Qəbələ nəinki yerli turistlərin, həmçinin, əcnəbilərin də ən çox üz tutduğu yerlərdəndir. Qəbələ Turizm və İnformasiya mərkəzindən verilən məlumata görə, ötən il Qəbələyə ümumilikdə 100 mindən çox turist gəlib.
Bəs görəsən bura üz tutan turistlər Qəbələdə hansı otellərdə və neçəyə gecələyə bilərlər? Turizm.fins.az oxucularına Qəbələdə yerləşən otellərin qiymətlərini təqdim edir.
“Qafqaz Tufandag Mountain Resort Hotel” 50 nömrədən ibarətdir. Hotel Dəmiraparan çayının sahilində yerləşir. 5 ulduzlu hotel Qəbələ hava limanından 20 kilometr aralıdadır. Mehmanxanada standart junior, family suit və king suit otaqlar var. Hoteldə həftə içi və həftə sonları otaqların qiyməti dəyişir. Həftə sonları müştəri çox olduğundan qiymətlər bir qədər baha olur.
Hoteldə standart otaqların həftə içi qiyməti 210 manatdır. Həftə sonu isə standart otaqların qiyməti 240-270 manat arasında dəyişir. 3 nəfərlik junior suit otaqların qiyməti isə həftə içi 260 manat, həftə sonu isə 320 manat olur.
VİP kotteclərin qiyməti isə həftəiçi 1 750 manat, həftəsonu isə 1 900 manat arasında dəyişir. Kotteclər 3 nəfərlikdir. Bu qiymətlərə səhər yeməyi və SPA xidmətlər daxildir. Bundan başqa əgər Tufandağ qış və yay kompleksində kanatdan istifadə etmək istəsəz o zaman əlavə olaraq 50 manat ödəməli olacaqsız.
5 ulduzlu hotel Qəbələdə dağların arasında yerləşir. Hoteldə əksər Qəbələ hotellərində olduğu kimi, həftə sonu və həftə içi qiymətlər fərqlidir. Hoteldən verilən məlumata görə, standart otaqların qiyməti 206 manat təşkil edir. Göstərilən qiymətə səhər yeməyi və spa xidmətlər daxildir. Mehmanxanada junior suit otaqlar 264 manatdır.
“Qafqaz Sport Hotel” Qəbələ şəhərinin mərkəzinə yaxın yerdə yerləşən beş ulduzlu rezort tipli hoteldir. Mehmanxana 117 nömrədən ibarətdir. Hotelin ərazisində qonaqlar həm də kotteclərdə ailəvi istirahət edə bilərlər. Digər Qəbələ hotellərindən fərqli olaraq həftə sonu və həftə içi qiymətlər eynidir. İki nəfərin standart otaqda gecələməsi isə 157 manatdır. Göstərilən qiymətlərə SPA xidmətlər də daxildir.
Hotel Qəbələdə yerləşən butik tipli beşulduzlu hoteldir. Hotel Qafqaz dağlarının ətəyində şəhər mərkəzinə yaxın olan ərazidə yerləşir. Karvansaray hoteli qonaqların istirahəti üçün 159 otaq təqdim edir. İki nəfərlik standart otaqların qiyməti 128 manatdır. Junior suit iki nəfərlik 168 manatdır. Qiymətlərə səhər yeməyi və SPA xidmətlər daxildir.
Qəbələ şəhərində yerləşən dördulduzlu hotelin yerləşdiyi ərazi mineral və termal suları ilə məhşurdur. Hotel öz qonalarına 61 otaq təqdim edir. Mehmanxanada nəin ki, gecələmək həmçinin müalicə də almaq olar. Belə ki, burada müştərilərə isti su vannaları və naftalan istisu vannaları təqdim olunur. Müalicəvi vanna seansları 10-15 dəqiqə davam edir. Hər seans isti su üçün 10 manat, naftalan isti su vannaları isə 15 manatdır.
Qeyd edək ki, “Qafqaz Thermal & Spa Hotel”dəki müalicəvi vannalar oynaq, revmatizma, prastat xəstəliklərinin müalicəsi üçün çox faydalıdır. Tam müalicə üçün 5 kurs keçmək lazım olduğu bildirilir. Bir nəfərlik standart otağın qiyməti 90 manat, iki nəfərlik otağın qiyməti isə 120 manatdır. Junior suit otaqlar isə iki nəfər üçün 149 manatdır.
“Duyma” istirahət və sağlamlıq mərkəzi Qəbələ rayonunun Vəndam kəndində yerləşir. Otel 4 mərtəbəlidir. Mehmanxanada eyni vaxtda 120 nəfər qonaq gecələyə bilər. Qiymətlərə gəlincə isə standart iki nəfərlik otaqlar 50 manat, junuior suit otaqlar isə 80 manatdır. Göstərilən qiymətlərə səhər yeməyi və bilyard ,karaoke kimi əyləncə xidmətlərindən istifadə daxildir.
Mehmanxanalardan həmçinin o da bildirildi ki, yay mövsümünə yaxın aylardan etibarən hotellərdə dolluluq səviyyəsi artacaq. Buna görə də mart və aprel aylarında hoteldə qonaq olmaq istəyənlər yaxşı olardı ki, öncədən istədikləri nömrələri bron etsinlər.
Azərbaycan və dünya üzrə ən böyük otel bazası www.hotels24.az saytımızda. Əlaqə nömrələrimiz 012 408 88 88; 0556035888
